Soqqyǵa jyǵylǵan «Aqtóbe» fýtbolshysy E. Kenjısarıevke taǵy bir ota qajet
ASTANA. 5 qyrkúıek. QazAqparat - Jýyrda Almatyda soqqyǵa jyǵylǵan «Aqtóbe» fýtbolshysy Emıl Kenjısarıev jansaqtaý bóliminen palataǵa aýystyryldy.
Belgili bolǵandaı, oıynshyǵa taǵy bir ota jasaý kerek, dep habarlaıdy Sports.kz .
Birneshe aptadan soń Kenjısarıevke Germanııa nemese Izraıl klınıkalarynyń birinde qaıta ota jasalady. Qazir 25 jastaǵy fýtbolshynyń densaýlyǵy baıaǵysha bir qalypty, biraq saýyǵý úrdisi baıqalmaıdy. Dárigerlerdiń aıtýynsha, Emıl keıde esin jınaıdy, biraq ázirge sóıleı almaıdy.
Kenjısarıevtiń klýbtastary men dostary qymbat otaǵa qajet qarjyny jınap berýdi josparlap otyr. Oǵan keminde 50 myń dollar qajet degen aqparat bar. Ota jasalǵan soń ǵana ol alańǵa orala ma joq pa degen suraqqa jaýap tabýǵa bolady.
