Sokkadan Qazaqstan quramasy halyqaralyq týrnırde eki jyl qatarynan chempıon atandy
ASTANA. KAZINFORM - Moldova astanasy Kıshınev qalasynda ótken sokkadan halyqaralyq «Socca EuroCup-2024» týrnırinde Qazaqstan quramasy chempıon atandy.
El quramasy fınalda Horvatııamen sheberlik baıqasyp, qarsylasyn 3:0 esebimen tize búktirdi. Olardyń qatarynan Abaı Elemesov 2, Bekrýz Pıshkar 15-mınýtta mergendik tanytty.
Al Talgat Ótepbergenov 39-mınýtta oıynnyń núktesin qoıdy.
Osylaısha Qazaqstan quramasy eki jyl qatarynan atalǵan týrnırde jeńimpaz atandy.
Byltyr el quramasy fınalda Rýmynııany qapy qaldyryp ketti.
Sokanyń kishi fýtboldan ereksheligi oıynshylar sany men alańnyń kólemine baılanysty. Kezdesý eki quramada alty-alty oıynshydan 20 mınýtqa sozylady.
El quramasy bıyl fınalǵa deıin Ispanııa (2:1), Germanııa (1:1, penaltıden - 2:1) orta jolda qaldyrdy. Toptyq kezeńde Italııa (3:0), Kıpr (5:1) jáne Oman (3:2) quramalaryn jeńdi.
Eske salsaq, budan buryn fýtzaldan Qazaqstan quramasy ÝEFA reıtınginde tórtinshi ornyn saqtap qaldy.
