Sokkadan álem chempıonatynda Qazaqstan quramasy 1/4 fınalǵa shyqty

ASTANA. KAZINFORM - Shaǵyn fýtboldan Qazaqstan quramasy sokkadan álem chempıonaty 1/4 fınalyna shyqty. 

Otandastarymyz 1/8 fınalda Rýmynııamen sheberlik baıqasty. Negizgi kezeń 1:1 esebimen teń aıaqtaldy. El quramasynan Farzad Eskeldi gol soqty. Býllıtten Qazaqstan quramasy 2:1 esebimen basym tústi.

F tobynda baq synaǵan otandastarymyz Frantsııa (1:1) jáne Nıderlandpen (2:2) teń oınasa, Ýrýgvaıdy (4:1) tize búktirdi. Nátıjesinde óz tobynda ekinshi oryn alyp, pleı-off satysyna joldama alǵan edi.

Sokka - shaǵyn fýtboldyń bir túri. Aıyrmashylyǵy oıynshy sany men alańnyń kólemine baılanysty bolady. Match 20 mınýttan eki taımǵa sozylady. Ár komandada 6 oıynshydan qatysady.

Aıta ketsek, Qazaqstan quramasy 2023 jyly sokkadan álem chempıonatynyń jeńimpazy boldy.

Sondaı-aq otandastarymyz budan buryn fınalda 2022 jyly Brazılııa (0:3), 2024 jyly Omanǵa (1:1, penaltıden 0:1) jol berdi.

Sokkadan álem chempıonaty 2018 jyldan beri turaqty túrde ótkizilip keledi. Qazirge deıin Germanııa, Reseı, Brazılııa, Qazaqstan, Oman quramalary chempıon atandy.