Mekteptiń terezesi synǵan, ishi sýyq: ShQO ákimdigi jelide taraǵan aqparatqa jaýap berdi
Shyǵys Qazaqstan oblysynyń ákimdigi Altaı aýdanyndaǵy mekteptiń múshkil jaǵdaıy týraly áleýmettik jelide taraǵan aqparatqa qatysty jaýap berdi, dep habarlaıdy Kazinform.
Altaı aýdany Feklıstovka aýylyndaǵy mektep Óskemen qalasynan nábary 40 shaqyrymdaı jerde ornalasqan.
Taıaýda Instagram jelisinde osy mektepke qatysty aqparat jarııalandy.
Onda tereze synǵany, mekteptiń ishi sýyqtyǵy jáne ınternettiń joqtyǵy týraly jazylǵan.
ShQO ákimi baspasóz qyzmetiniń málimetine súıensek, bul aqparat shyndyqqa múlde janaspaıdy.
Mektep basshylyǵy osyndaı jalǵan málimet taratqan jeli qoldanýshysyn sotqa da bermek.
«Qazirgi tańda onda 43 bala bilim alyp júr. Mektep 1976 jyly salynǵanyna qaramastan onda balalardyń bilim alýyna barlyq jaǵdaı jasalǵan. Іshi taza, jyly. Sondyqtan halyqty jalǵan aqparatqa senbeýge shaqyramyz», — delingen aqparatta.