Soǵysta qaza tapqan atyraýlyqtyń súıegi 75 jyldan keıin tabyldy
ATYRAÝ. QazAqparat - Atyraý oblysy Qurmanǵazy aýdanynan maıdanǵa attanyp, 21 jasynda Velıkıı Novgorod túbindegi shaıqasta qaza tapqan Quspanǵalı Boranbaevtyń súıegi 75 jyldan soń tabyldy. El zııalylarynyń qatysýymen jaýyngerdiń súıegi búgin Atyraý qalasyna ákelinip, mıtıng ótti, dep habarlaıdy QazAqparat tilshisi.
Kýsban (Quspanǵalı) Boranbaev 1922 jyly týǵan. Gýrev oblysy, Dengız aýdany (qazirgi Qurmanǵazy aýdany) Qyzyl tý kolhozynan 1941 jyly soǵysqa alynyp, 28-shi atqyshtar dıvızııasynyń quramynda shaıqasty.
1942 jyly Novgorod oblysynyń Parfınskıı aýdany mańyndaǵy shaıqasta erlikpen qaza tapqan jerlesimiz Kýsban (Quspanǵalı) Boranbaevtyń súıegin qandy soǵys maıdany ótken orman dalasynan Aqtóbe qalasynan qazaqstandyq Álııa Moldaǵulova atyndaǵy jáne ıAroslav oblysy Rybınsk qalasynyń «Za Otvagý» izdeý toptary birlesip tapty.
Soǵys alańynan birneshe jaýyngerdiń súıekteri tabylǵan. Jaýynger súıeginiń tabylýyna esimi jazylǵan jaýyngerlik kapsýlanyń bolýy yqpal etti.
«Atyraý oblysynan soǵysqa 42 myńnan astam adam shaqyrylǵan bolatyn. Myńdaǵan bozdaqtar urys maıdanynda máńgi qaldy. Quspanǵalı aǵamyz qysqa ǵana ómirinde 21 jyl ómir súrdi. Quspanǵalı aǵaıǵa týǵan topyraǵy buıyrdy. Aqtóbe qalasynan Álııa Moldaǵulova atyndaǵy ıAroslavl oblysy Rybınsk qalasynyń «Za Otvagý» izdeý toptary soǵys órti júrip ótken Sankt-Peterbýrg ormandarynan Quspanǵalı Boranbaevtyń súıegin tapty. Ózine tıesili kapsýlasy men qasyǵyn kórdi. Búgin osydan 75 jyl buryn qyrshyn ketken bozdaqtyń rýhy óz atamekenimen qaıta qaýyshty. Biz soǵysta qaza tapqan bozdaqtardyń rýhtary men erlikterine bas ıemiz», dedi oblys ákimi Nurlan Noǵaev.
Qaza tapqan jaýyngerdiń súıegi tabylǵan jerden aty-jóni oıylyp jazylǵan as ishetin qasyǵy da tabyldy. Osy jádigerdiń arqasynda jaýyngerdiń esimi, týǵan jeri anyqtalyp, súıekti eline qaıtarý úshin Atyraý oblysy basshylyǵynyń qoldaýymen arnaıy delegatsııa uıymdastyryldy.
Shara aıasynda jaýyngerdiń týystary atynan Qaıyrbolat Dúısekenov pen Zlıha Dúısekenovalar sóz sóılep, maıdan dalasynda qaza tapqan aǵalary týraly syr shertti.
Aıta ketý kerek, sarbaz arýaǵyna qurmet kórsetý úshin mıtıngke oblys basshylyǵy, UOS jáne eńbek ardagerleri, jastar men oqýshylar qatysty. Jaýynger Quspanǵalı Boranbaev Qurmanǵazy aýdanyna jerlendi.
