Soǵys oqıǵasyn shynaıy berý úshin emotsııaǵa berilmeý kerek – áskerı jýrnalıst
«Qazaqstannyń 100 jańa esimi» jobasy Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı» baǵdarlamasy aıasynda qolǵa alynǵan. Joba jeńimpazymen júzdesý sharasyn Qyzylorda oblystyq ishki saıasat basqarmasy uıymdastyrdy.
Nazgúl Kenjetaı Sırııa máselesin tereńirek zerttep, túrli baǵytta fotoreportajdar túsirip keledi. Taıaý Shyǵystaǵy bosqyndar máselesin kótergen ol kezdesý barysynda dinı taqyryptaǵy máselelerde jýrnalısterdiń ustanymdary týraly oı bólisti.
«Soǵys alańynda bolyp jatqan oqıǵany kózben kórip, zertteý júrgizý maǵan ońaıǵa soqpady. Bastysy, emotsııaǵa erik berip qoımaýyń kerek. Sebebi, Sırııadaǵy balalardyń, áıelderdiń ómirin naq ári obektıvti túrde berý kerek. Sol sebepti de meniń materıaldarymdy sheteldik basylymdar shyǵardy. Bul taqyrypqa tereńirek barý úshin bilimmen qatar psıhologııalyq daıyndyq qajet»,-dedi Nazgúl Kenjetaı.
Basqosýda aımaqtaǵy tilshiler Nazgúl Kenjetaıǵa túrli baǵytta suraqtaryn qoıyp, ózara pikir almasty. Kezdesý sońynda Qyzylorda oblystyq ishki saıasat basqarmasynyń basshysy Talǵat Mahanov estelik kitapty syıǵa tartý etip, qurmet kórsetti.
Budan buryn áskerı jýrnalıst Nazgúl Kenjetaımen QazAqparat tilshisiniń suhbaty jarııalandy.
