Soǵys kezinde joǵalǵan adamdardy izdeý: Qazaqstanda 2 jylda 5 myńnan astam ótinish túsken

NUR-SULTAN. QazAqparat – ІІ Dúnıejúzilik soǵysqa attanǵan 271 myń otandasymyz iz-túzsiz joǵalyp ketipti. Búginde olardy izdestirý jumysy qolǵa alyndy. Maıdannan oralmaǵan otandastyryzdy izdestirý jumysy týraly «Atamnyn Amanaty» qoǵamdyq birlestiginiń basqarma tóraǵasy Murat Moldaǵalıev aıtyp berdi, dep habarlaıdy QazAqparat tilshisi.

«Búgin bizde erekshe is-shara ótip jatyr. Dúnıejúzilik soǵys jyldarynda qaza tapqandar men habar-osharsyz ketkenderdi izdeý jumystaryn uıymdastyrýda Reseımen birlesý úshin alǵash ret jınalyp otyrmyz. Bizdiń birlestik ІІ dúnıejúzilik soǵys kezinde elimizden maıdanǵa attanyp qaza tapqan nemese habar-osharsyz ketken qazaqstandyqtardy júıeli negizde izdeýmen aınalysady. Qurylǵanymyzǵa 2 jyl ǵana boldy, úkimettik emes uıymbyz. Maqsat- otan qorǵaý jolynda mert bolǵan nemese joǵalǵan jerlesterimizdi izdep, tabý jáne olarǵa taǵzym etip, qurmet kórsetý», - dedi Murat Moldaǵalıev.

Onyń aıtýynsha, kúnine 30-ǵa jýyq joǵalǵan adamǵa qatysty derekter anyqtalyp, olardyń jaqyndarymen baılanys ornatylady.

«Bizdiń qyzmetkerler erikti ári tegin túrde jumys isteıdi. Birlestik qurylǵaly 2 jyldyń ishinde bizge jaqynyn izdegen 5 myńnan astam adamnan ótinish kelip tústi. Sonyń negizinde 1 myńnan astam iz-tússiz kenken jandardyń aty-jónin anyqtap, olardyń keıingi urpaqtaryn taýyp, súıinshimizdi jetkizgen jaıymyz bar», - deıdi ol.

Atalǵan qoǵamdyq birlestik usynǵan statıstıkaǵa súıensek, elimizden maıdanǵa 1,5 mıllıonǵa jýyq adam shaqyrylyp, onyń 600 myńnan astamy soǵysta qaza tapqan. Odan bólek, 271 myń otandasymyz habar-osharsyz ketip otyr.

Buǵan deıin habarlaǵanymyzdaı, Jeńistiń 80 jyldyq mereıtoıy qarsańynda elimiz Reseımen birlesip soǵys kezinde is-tússiz joǵalyp ketken maıdanǵa attanǵan adamdardy izdep, tabý jumysyn qolǵa alyp jatyr.