Soǵys ardageri medalin alýǵa tek 70 jyldan keıin ǵana kelisimin berdi
ASTANA. QazAqparat - Ekinshi Dúnıejúzilik soǵysqa qatysqan AQSh-tyń 89 jasar ardageri «Qanqyzyl júrek» medalimen tek 70 jyl ótkennen keıin ǵana marapattaldy. Atap aıtqanda, ol osy aralyqta atalǵan nagradany alýdan bas tartqan eken.
Nıý-Iork shtatynyń turǵyny Rıchard Folkner 1944 jyly Frantsııanyń basyp alynǵan aýmaǵynda apatqa ushyraǵan V-17 bombalaýshy ushaǵynyń ekıpajy músheleriniń arasynda aman qalǵan jalǵyz jaýynger bolyp shyqty.
Ol kezde 19 jasar Folkner ushaqtan katapýlttanyp úlgerip, frantsýzdyq fermer ony qutqarǵan kórinedi. Sodan keıin sarbaz brıtandyq kememen eline jetken.
Bastapqyda Folkner soǵys kezinde ekıpajdyń qalǵan músheleriniń barlyǵy opat bolǵandyqtan, bul nagradaǵa laıyq emes ekendigin aıtyp, bas tartqan. Alaıda, 70 jyldan keıin ol medaldi urpaqtaryna qaldyrý úshin, nagradany qabyldaý týraly sheshimge keldi.
«Qanqyzyl júrek» medali qarsylastyń áreketinen jaraqat alǵan nemese qaza bolǵan amerıkandyq áskerılerge tapsyrylady.
