Soǵys ardageri 97 jasynda mektep bitirgendigi jóninde attestat aldy
ASTANA. QazAqparat - AQSh-ta Fıladelfııa turǵyny Charlz Leýtsıı 97 jasynda orta mektep bitirgendigi jóninde attestat aldy. Qujatty saltanatty túrde tabystaý sharasyna onyń nemereleri men shóbereleri keldi.
ABC telearnasynyń habarlaýynsha, Charlzdiń jasóspirim shaǵynda bilim alýyna soǵys kedergi keltirgen. Jas jigit Ekinshi dúnıejúzilik soǵysqa attanyp, odan birneshe jaýyngerlik marapattarmen oraldy. Odan keıingi jyldary Charlz bilim alýdy armandady, alaıda oǵan ýaqyt únemdeý tek zeınetkerlikke shyqqan soń ǵana múmkin boldy.
«Meniń kóp jyldar kútýime týra keldi, degenmen men bilim aldym», - dedi ol qolyna attestatyn alyp turyp. Jýrnalısterdiń Charlzdiń bilimin jalǵastyrmaq oıyn bilmek saýalyna jańa ǵana mektep bitirgen túlek: «Nege jalǵastyrmasqa? Meniń qazir bos ýaqytym kóp» dep jaýap berdi.
