Soǵys kezinde kontslager tutqynynda bolǵan atyraýlyqqa 1 mln teńge beriledi
ATYRAÝ. KAZINFORM — Atyraýda soǵys kezinde kontslager tutqyny bolǵan Ekaterına Absatyrova turady.
Ekinshi dúnıejúzilik soǵystaǵy Jeńistiń 80 jyldyq merekesine oraı oǵan 1 mln teńge birjolǵy kómek beriledi.
Atyraý oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Álfııa Tóleǵarıevanyń málimetinshe, Jeńis kúnine oraı ardagerlerge áleýmettik kómek kórsetý kórsetý kózdelip otyr.
— Atyraý qalalyq jáne aýdandyq máslıhattardyń sheshimine sáıkes soǵys kezinde orden-medaldarmen marapattalǵan 21 tyl ardagerine 100 myń teńge, marapattalmaǵan 872 adamǵa 50 myń teńge kóleminde áleýmettik kómek kórsetiledi. Al ekinshi dúnıejúzilik soǵys kezinde kontslager tutqynynda 1 adamǵa 1 mln teńge beriledi. Ekinshi dúnıejúzilik soǵysta qaıtys bolǵan bozdaqtardyń, ne múgedekteriniń, solarǵa teńestirilgen adamnyń ekinshi ret nekege turmaǵan jubaıyna 60 myń teńge mólsherinde birjolǵy áleýmettik kómek kórsetý kózdelip otyr. Qazir osy sanattaǵy tizimde 26 adam bar, — dep habarlady Álfııa Tóleǵarıeva.
Onyń aıtýyna qaraǵanda, Jeńis kúnine oraı birjolǵy áleýmettik kómek alatyndarǵa medıtsınalyq, kommýnaldyq jeńildikter jáne basqa da qoldaýlar qarastyrylǵan.
Eske sala keteıik, budan buryn Astanada UOS ardagerlerine 5 mıllıon teńgeden beriletini habarlanǵan bolatyn.