Soǵys ardagerleri men tyl eńbekkerleri qansha zeınetaqy alady

ASTANA. KAZINFORM – Eńbek jáne halyqty áleýmettik qorǵaý mınıstriniń orynbasary Oljas Anafın ortalyq kommýnıkatsııalar qyzmetinde ótken baspasóz máslıhatynda ekinshi dúnıejúzilik soǵys ardagerleri men tyl eńbekkerleri qansha zeınetaqy alatynyn aıtty.

- 2025 jylǵy 1 mamyrǵa ekinshi dúnıejúzilik soǵystyń ardagerleri alatyn áleýmettik tólemderdiń jıyntyq mólsheri 271 myń teńge, osy soǵys kezinde tyl eńbegine aralasqandar alatyn tólemniń jıyntyq mólsheri 179 myń teńge boldy, - dedi vıtse-mınıstr.

Sondaı-aq, ol bıyl jergilikti ákimdikter ekinshi dúnıejúzilik soǵys ardagerlerine 5 mln teńge kómek bergenin eske saldy.

Oljas Anafınniń sózinshe, jeńiske úles qosqan basqa sanattaǵy azamattarǵa da qoldaý kórsetilip jatyr. Atap aıtqanda:

- Qorshaýdaǵy Lenıngrad turǵyndaryna – 60 myńnan 200 myń teńgege deıin (64 adam):

- Burynǵy kámeletke tolmaǵan kontslager tutqyndaryna – 98 myńnan 200 myń teńgege deıin;

- Soǵysta qaıtys bolǵan múgedekterdiń jubaılaryna – 50 myńnan 150 myń teńgege deıin;

- Soǵysta qaza tapqan jaýyngerlerdiń jesirlerine – 50 myń teńge;

- Tyl eńbekkerlerine – 50 myńnan 200 myń teńgege deıin kómek kórsetilip jatyr.

Resmı derek boıynsha, elimizde elimizde ekinshi dúnıejúzilik soǵystyń 105 ardageri qalǵan.