Soǵys ardageri Táńirbergen Tolǵanbaevqa «Eńbek ardageri» medali tabystaldy
ASTANA. KAZINFORM — Almaty oblysy polıtsııa departamentiniń bastyǵy Meıram Ábikeev oblys ákimimen birge ishki ister organdarynyń ardageri, II dúnıejúzilik soǵystyń qatysýshysy, otstavkadaǵy mılıtsııa polkovnıgi Táńirbergen Tolǵanbaev Jeńis kúnimen quttyqtady.
— Kezdesý barysynda Qazaqstan Respýblıkasy Іshki ister mınıstri Erjan Sadenovtiń atynan Táńirbergen Tolǵanbaevqa uzaq jylǵy adal eńbegi, qyzmetke degen beriktigi jáne ishki ister organdarynyń damýyna qosqan eleýli úlesi úshin «Eńbek ardageri» medali tabystaldy, — delingen habarlamada.
ІІM baspasóz qyzmeti atap ótkendeı, Qonaqtar ardagerge soǵys jyldaryndaǵy erligi men batyrlyǵy, sondaı-aq quqyq qorǵaý salasyndaǵy minsiz qyzmeti úshin shynaıy alǵystaryn bildirdi.
Ardagerge zor densaýlyq, otbasy amandyǵyn jáne uzaq ǵumyr tiledi.
Buǵan deıin Prezıdent Іs basqarmasyna qarasty uıymdar ardagerler men tyl eńbekkerlerin Jeńis kúnimen quttyqtaǵanyn jazǵanbyz.
