Soǵym-FEST: Astanaǵa qaı óńirdiń fermerleri keledi

ASTANA. KAZINFORM — Astanada 26-31 jeltoqsan aralyǵynda «Soǵym-FEST» merekelik jańa jyldyq jármeńkesi ótedi. Oǵan Aqmola, Abaı, Qaraǵandy, Túrkistan jáne Pavlodar oblystarynyń fermerleri qatysady. 

Іs-shara Alash tas joly, 35B mekenjaıyndaǵy «Keryen Joly» saýda ortalyǵynyń avtoturaǵynda ótedi.

Sonymen qatar atalǵan saýda ortalyǵynda osy kúnderi qala turǵyndaryna jaqsy tanys qalalyq aýyl sharýashylyǵy jármeńkesi de ótedi. Munda jergilikti fermerler men Qazaqstannyń túrli óńirlerinen kelgen óndirýshilerdiń ónimderi usynylady. Qala turǵyndary men qonaqtary kókónister men jemis-jıdekterdi, et ónimderin, un jáne sút ónimderin, nan-toqash pen kondıterlik ónimderdi, tabıǵı shyryndar, tosaptar men djemderdi tıimdi baǵada satyp ala alady.

Jármeńkeler ár demalys kúnderi tańǵy 10:00-den 19:00-ge deıin jumys isteıdi.

Kelýshilerdiń yńǵaıy úshin jármeńke mańynan № 7, 11, 39, 41, 45, 53, 59, 81, 307, 317 baǵyttaǵy qoǵamdyq kólikter qatynaıdy. 

Aıta ketelik et baǵasyn turaqtandyrý úshin ne istelinip jatqany týraly jazǵan edik.