Sofıa Samodelkına Japonııadaǵy týrnırde kúmis júldegeri atandy
ASTANA. KAZINFORM - Sofıa Samodelkına Japonııanyń Osaka qalasynda ótip jatqan Gran-prı týrnıriniń kúmis júldegeri atandy.
Otandasymyz erkin baǵdarlamadaǵy óneri úshin 132.25 upaı jınady. Sondaı-aq keshe ol qysqa baǵdarlamany qosqanda barlyǵy 200.00 balldy qorjynǵa saldy. Bul -Samodelkınanyń bıylǵy maýsymdaǵy (2025-26 jyl) Gran-prı týrnırindegi alǵashqy júldesi.
Áıelder arasynda bas júldeni jarys qojaıyny, 3 dúrkin álem chempıony, Beıjiń Olımpıadasynyń qola (jekeleı) jáne kúmis (komandalyq) júldegeri Kaorı Sakamoto (Japonııa) aldy. Onyń enshisinde 227.18 upaı bar.
Úzdik úshtikti 198.97 ball jınaǵan Belgııa sportshysy túıindedi.
Gran-prı týrnırinde birinshi oryn alǵan sportshyǵa 15, 2-orynǵa 13, 3-orynǵa 11 ball beriledi. Bul upaılar keıin 6 jarystan keıin grand fınalǵa joldama alǵan úzdikterdi anyqtaýǵa kómektesedi.
Japonııadaǵy týrnırge 17 memleketten 60 sportshy jınaldy.
Eske salsaq, budan buryn mánerlep syrǵanaýshy Sofıa Samodelkına Japonııada ótetin Gran-prıde óner kórsetetinin habarlaǵan bolatynbyz.