Sofıa Samodelkına Tórt qurlyq chempıonatynda qysqa baǵdarlamada toǵyzynshy oryn aldy
ASTANA.KAZINFORM - Qazaqstan quramasynyń mánerlep syrǵanaýshysy Sofıa Samodelkına Qytaıdyń Beıjiń qalasynda ótip jatqan Tórt qurlyq chempıonatynda qysqa baǵdarlamada óner kórsetti.
QR UOK málimetinshe, óz óneri úshin qazaqstandyq sportshy 62,29 upaı aldy. Bul nátıje oǵan aralyq esepte toǵyzynshy oryn alýǵa múmkindik berdi.
Qysqa baǵdarlamada japonııalyq Amı Nakaı 73,83 upaımen birinshi orynǵa shyqty. 71,41 upaıǵa ıe bolǵan taǵy bir japonııalyq sportshy ıÝna Aokı ekinshi orynǵa jaıǵasty. Al Mone Chıba (Japonııa) 68,09 upaımen úshinshi orynǵa turaqtady.
Qazaqstandyq Amıra Irmatova 42,40 upaımen 21-orynda keledi.
Erkin baǵdarlama 25 qańtarda ótedi.
Aıta keteıik, hokkeıden Qazaqstan qyzdar quramasy álem chempıonatynda úshinshi oıynyn ótkizedi.
«Barys» búgin Reseıde TsSKA komandasymen kezdesedi.