Sofıa Samodelkına Olımpıada joldamasyna qol jetkizdi

ASTANA. KAZINFORM — Erkin baǵdarlama saıysynda synǵa túsken Sofıa Samodelkına jalpy jarysta 181.36 upaı jınap, 14-orynnan kórindi. Nátıjesinde ol 2026 jylǵy qysqy Olımpıadasyna resmı túrde qatysýǵa múmkindik aldy.

Qazaqstandyq mánerlep syrǵanaýshy Sofıa Samodelkına AQSh-tyń Boston qalasynda ótip jatqan álem chempıonatyndaǵy ónerin aıaqtady.

Erkin baǵdarlamada qazaqstandyq sportshy 117,78 upaı jınady. Jalpy somasy – 181,36 upaı.

Nátıjesinde jarysty 14-orynmen aıaqtady.

Jeńisti amerıkalyq Alısa Lıý (222,97) ıelendi. Ekinshi orynǵa japondyq Kaorı Sakamoto (217,98) turaqtasa, úzdik úshtikti taǵy bir japondyq sportshy Mone Tıba (215,24) qorytyndylady.

Aıta keteıik, Sofıa Samodelkına 2026 jylǵy Olımpıada oıyndaryna qatysý normatıvin oryndady. Ol úshin sportshy álem chempıonatynda top-24 qataryna enýi qajet edi. Bul kórsetkishtiń resmı túrde rastalýy keıinirek jarııalanady.

Eske sala keteıik, buǵan deıin Mıhaıl Shaıdorov úzdik úshtikke kirgenin jazǵan bolatynbyz.