Sofıa Samodelkına Olımpıada oıyndarynda 10-oryn aldy
MILAN. KAZINFORM — Italııanyń Mılan jáne Kortına-d’Ampetstso qalalarynda ótip jatqan XXV qysqy Olımpıada oıyndarynyń áıelder arasynda mánerlep syrǵanaýdan báseke óz máresine jetti.
Bul synda el namysyn qorǵap jatqan Sofıa Samodelkına jarys jolyna 13-shi bolyp shyqty.
Aıta keterligi, sportshymyzǵa qoldaý kórsetý úshin Olımpıada chempıony Mıhaıl Shaıdorov jáne Ulttyq Olımpıada kómıteti tóraǵasy Gennadıı Golovkın arnaıy keldi.
Otandasymyz erkin baǵdarlamada «Býlvar Sanset» mıýzıkalymen óner kórsetti. Sondaı-aq, qazaqstandyq sportshy jarys kezinde úshtik lýttsden birlik boıler jáne úshtik salhaý kombınatsııasyn sátti oryndady.
Osylaısha, Sofıa Samodelkına tahnıkalyq elementterdi oryndaýdan 73.77 upaı, baǵdarlama komponentterin oryndaýda 65.22 upaı enshiledi.
Qysqa baǵdarlamada otandasymyz 68.47 upaı alǵan bolatyn. Eki kezeńniń qorytyndysy boıynsha Samodelkına 207.46 upaı jınap, jalpy esepte 10-orynǵa jaıǵasty.
Aıta keteıik, bul sportshynyń jeke rekordy. Ol osyǵan deıin eń joǵary kórsetkishti 2021 jyly tirkegen bolatyn (205.67 upaı).
Eske salsaq, Sofıa Samodelkına mánerlep syrǵanaý boıynsha qysqa baǵdarlamadan súrinbeı ótti.
Osyǵan deıin, jazǵy jáne qysqy Olımpıada oıyndarynda top jarǵan sportshylar týraly jazǵan edik.