Sofıa Samodelkına Denıs Ten memorıalynda qysqa baǵdarlama boıynsha 3-oryn aldy
ASTANA. KAZINFORM — Qazaqstan quramasynyń mánerlep syrǵanaýshysy Sofıa Samodelkına Almatyda ótip jatqan Denıs Ten memorıalynda qysqa baǵdarlamadan keıin úshinshi orynǵa turaqtady.
Qazaqstandyq mánerlep syrǵanaýshy tóreshilerdiń sheshimimen 69,45 upaı enshiledi.
Beıtarap tý astynda óner kórsetip jatqan reseılik Aleksandra Ignatova aralyq esepte kósh bastady. Ol 77,39 upaı jınady. Ekinshi orynda Ońtústik Koreıa ókili ıÝdjae Kım — 75,99 upaı.
Sondaı-aq qysqa baǵdarlamada Qazaqstan atynan Nurııa Súleımen (44,88 upaı, 13-oryn), Alıka Halımova (44,68, 14-oryn), Amıra Irmatova (42,03, 16-oryn), Zere Sarbaldına (41,92, 17-oryn) jáne Amına Alekseeva (32,68, 19-oryn) óner kórsetti.
Erkin baǵdarlama búgin, 9 qazanda ótedi.
Eske salaıyq, buǵan deıin mánerlep syrǵanaýshy Sofıa Samodelkına Denıs Ten memorıalynda óner kórsetetinin jazǵanbyz.
