Sofıa Samodelkına AQSh-taǵy týrnırde ekinshi oryn aldy

ASTANA. KAZINFORM - AQSh-tyń Norvýd qalasynda mánerlep syrǵanaýdan halyqaralyq týrnırde Sofıa Samodelkına qysqa baǵdarlamada ekinshi oryn aldy.

«Cranberry Cup International 2025» atty Chellendjer serııasyndaǵy halyqaralyq týrnırinde ol 65.80 upaı jınap, 20 sportshynyń ishinde 2-orynǵa jaıǵasty. Endi Sofıa erkin baǵdarlamada synǵa túsedi.

Áıelder arasyndaǵy jarys Astana ýaqytymen saǵat 18:00-de bastalady.

Aıta keteıik, bul jarysqa 20 elden 99 sportshy qatysyp jatyr. Osyǵan deıin Sofıa 2026 jyly Mılan qalasynda ótetin qysqy Olımpıadaǵa lıtsenzııa ıelengen edi.

Aıta keteıik, Sofıa Samodelkına 2026 jylǵy Olımpıada oıyndaryna qatysý normatıvin oryndady. Ol úshin sportshy álem chempıonatynda top-24 qataryna enýi qajet edi. Bul kórsetkishtiń resmı túrde rastalýy keıinirek jarııalanady.