Sofıa Samodelkına AQSh-ta ótip jatqan Gran-prı kezeńinde qysqa baǵdarlamasyn oryndady
ASTANA. KAZINFORM - Qazaqstandyq mánerlep syrǵanaýshy Sofıa Samodelkına AQSh-tyń Everett qalasynda ótip jatqan Gran-prı kezeńinde qysqa baǵdarlamasyn oryndady, dep habarlaıdy QR Ulttyq olımpıada komıteti.
Jarystyń alǵashqy kúniniń qorytyndysy boıynsha otandasymyz tóreshilerdiń sheshimimen 61,03 upaı enshilep, 11-orynǵa turaqtady.
Japonııa ókili Amı Nakaı 82,20 upaımen kósh bastady. Ekinshi orynda beıtarap mártebede óner kórsetip jatqan reseılik Aleksandra Ignatova (74,24 upaı) tur. Úzdik úshtikti Ońtústik Koreıa sportshysy Kım ıÝ Chje (73,92 upaı) túıindedi.
Erkin baǵdarlama 16 qarashaǵa qaraǵan túni ótedi.
Osyǵan deıin WTA qorytyndy týrnırinde bas júldege talasatyn tennısshiler belgili bolǵany týraly jazdyq.