Sofııada QR Konstıtýtsııasynyń 15 jyldyǵyna oraı Qazaqstan Respýblıkasynyń Prezıdenti Nursultan Nazarbaevtyń kitabynyń tusaýkeseri ótti
dep habarlaıdy Elshiliktiń baspasóz qyzmeti.
Qabyldaýǵa Bolgarııanyń ekonomıka, energetıka jáne týrızm mınıstri Traıcho Traıkov, Bolgarııanyń syrtqy ister mınıstriniń orynbasary Mılen Lıýtskanov, Bolgarııanyń burynǵy prezıdenti - Avstrııanyń Vena qalasyndaǵy ǵalamdyq suhbat pen yntymaqtastyq ortalyǵynyń tóraǵasy Petr Stoıanov, SІM burynǵy basshylary Solomon Passı - Bolgarııanyń Atlantıkalyq klýbynyń qurmetti prezıdenti jáne Rýmıana Jeleva - Eýropalyq halyqtyq partııasy tóraǵasynyń orynbasary, sonymen qatar Bolgarııadaǵy sheteldik dıplomatııalyq mıssııalardyń basshylary men qyzmetkerleri, mınıstrlikter men mekemelerdiń, ǵylymı, mádenı jáne isker toptardyń, Bolgarııanyń jetekshi BAQ jáne qazaq dıasporasynyń ókilderi qatysty.
Saltanatty shara eki eldiń ánurandarymen ashyldy. Qazaqstannyń Bolgarııadaǵy Senimdi ókili Temirtaı Іzbastın quttyqtaý sóz sóıledi. Onda Qazaqstannyń adam men onyń ómirin, quqyqtary men bostandyqtaryn óziniń eń qymbat qazynasy dep tanıtyn demokratııalyq, zaıyrly, quqyqtyq jáne áleýmettik memleket retinde tolyqqandy ornyqqandyǵy týraly aıtyldy.
«Qoǵamdyq tatýlyq, saıası turaqtylyq pen qarqyndy ekonomıkalyq damý - bul Konstıtýtsııanyń múmkindikteri men Qazaqstannyń Prezıdenti - Ult Kóshbasshysy Nursultan Nazarbaevtyń basshylyǵymen júrgizilip kele jatqan jaýapty memlekettik saıasattyń nátıjesi», delindi shara kezindegi áńgime barysynda.
Saltanatty qabyldaý barysynda Elbasy Nursultan Nazarbaevtyń «Ǵalamdyq qoǵamdastyqty túbegeıli jańartý strategııasy jáne órkenıetter seriktestigi» atty bolgar tiline aýdarylǵan kitaptyń tusaýkeseri ótti.
Qazaqstan Prezıdentiniń ǵylymı eńbegi ekonomıkalyq daǵdarys pen baıqala bastaǵan jańa ekonomıkalyq jáne saıası damýdyń ózara yqpaldastyǵynyń negizinde júretin álemdik tártippen baılanysty jahandyq qaýip-qaterlerge jaýap retinde tanystyryldy.
Bolgar tarapynan sóz sóılegen Bolgarııanyń eks-prezıdenti Petr Stoıanov Bolgarııa Qazaqstannyń ulttyq jáne halyqaralyq deńgeılerdegi jetistikterine kýá ekenin aıtyp, Prezıdent Nursultan Nazarbaevtyń órkenıetter yntymaqtastyǵynyń ǵalamdyq suhbatyna zor úlesin joǵary baǵalaıtynyn bildirdi. Ol Prezıdent Nazarbaev kitabynyń ózektiligi qarjylyq retteýdiń jańa tetikterin engizý qajettiligi máselesi boıynsha teoretıkalyq jáne praktıkalyq usynystardyń jasalýynda jáne ǵalamdyq energo-ekologııalyq strategııany daıyndaý boıynsha bastamasynda dep sanaıdy.
Іs-sharanyń aıaǵynda Prezıdent N.Nazarbaevtyń atalmysh kitaby qonaqtar arasynda taratyldy.