Sofııa Samodelkına Qazaqstan atynan óner kórsete me – mınıstr jaýaby

ASTANA. QazAqparat – QR Іshki ister mınıstri Marat Ahmetjanov reseılik mánerlep syrǵanaýshy Sofııa Samodelkınanyń Qazaqstan azamattyǵyn qabyldaý mehanızmin túsindirdi. Mádenıet jáne sport mınıstri Ashat Oralov ta bul jóninde pikir bildirdi, dep habarlaıdy QazAqparat tilshisi.

«Jaqynda sportshy Samodelkına Qazaqstan azamattyǵyn jalpy tártippen qabyldady, óıtkeni onyń anasy – Qazaqstan azamaty», - dedi Marat Ahmetjanov Úkimet kýlýarynda.

Óz kezeginde Mádenıet jáne sport mınıstri Ashat Oralov S. Samodelkınanyń elimizdiń atynan halyqaralyq jarystarǵa qatysý múmkindigi týraly pikir bildirdi.

«Ol azamattyq aldy, biraq qazir ol ulttyq quramada joq. Degenmen QR azamaty retinde, árıne, onyń jarystarǵa qatysýǵa, jattyǵýdy bastaýǵa quqyǵy bar. Іrikteýdiń de (ulttyq quramaǵa - red.) ózindik rásimi bar, biraq qazir mundaı másele kún tártibinde turǵan joq», - dep atap ótti mınıstr.

Esterińizge sala keteıik, qazaqstandyq konkımen júgirýshiler odaǵy habarlaǵandaı, tanymal mánerlep syrǵanaýshy Sofııa Samodelkına azamattyǵyn aýystyryp, Qazaqstan atynan jarystarǵa shyqqysy keledi.