Sofııa Aktaeva semserlesýden álem kýbogy kezeńinde kúmis júldege ıe boldy
ASTANA. KAZINFORM – Semserlesýden Qazaqstan quramasynyń sportshysy Sofıa Aktaeva Fýdjeırada (BAÁ) ótip jatqan álem kýbogy kezeńinde kúmis júldege qol jetkizdi.
Ulttyq olımpıadalyq komıtettiń málimetinshe, sportshy rapıramen semserlesý jarysynda ekinshi oryn aldy.
Aktaeva jartylaı fınalda Qytaı sportshysy Hý Beınıdi 15:8 esebimen jeńdi.
Al fınalda qazaqstandyq sportshy Reseı ókili Stefanııa Chasovnıkovamen kezdesti. Nátıjesinde reseılik semserlesýshi 15:11 esebimen jeńiske jetti.
Osylaısha, Sofıa Aktaeva Álem kýbogy kezeńin kúmis júldemen aıaqtady.
Eske sala keteıik, buǵan deıin Arýjan Saǵyndyqova Úndistandaǵy týrnırde top jarǵanyn jazǵanbyz.
