00:28, 20 Qarasha 2025 | GMT +5
Sofııa Aqtaeva Islam yntymaqtastyǵy oıyndarynda kúmis medal jeńip aldy
ASTANA. KAZINFORM – Saýd Arabııasynda ótip jatqan VI Islam yntymaqtastyǵy oıyndarynda qazaqstandyq sportshy Sofııa Aqtaeva semserlesý jarysynda kúmis medalǵa qol jetkizdi.
Jartylaı fınalda ol týnıstik ıAsmın Sýssıdi 15:10 esebimen jeńse, aqtyq synda Túrkııa sportshysy Alara Atmakaǵa ese jiberip, ekinshi oryn aldy.
Aıta keteıik, bul jetistik sportshynyń 2025 jylǵy alǵashqy júldesi emes.
Buǵan deıin Fýdjeırada (BAÁ) ótken jasóspirimder arasyndaǵy álem kýbogynda Sofııa týrnır boıy minsiz óner kórsetip, bıylǵy jyly qazaqstandyq semserlesýshilerdiń arasyndaǵy alǵashqy altyn medal ıegeri atanǵan edi.
Eske salsaq Qazaqstan áıelder quramasy Islam yntymaqtastyǵy oıyndarynyń fınalyna shyqty.