Sodyrlardyń Aýǵanstandaǵy Qundyz qalasyn basyp alýyna ýaqtyly barlaýdyń bolmaýy sebep bolǵan
ASTANA. QazAqparat - «Talıban» qozǵalysynyń aýǵandyq Qundyz qalasyn basyp alýyna negizgi sebep ýaqtyly barlaýdyń bolmaǵanynan oryn aldy. Mundaı tujyrymdy talıbterdiń eldiń soltústigindegi qalaǵa jasaǵan shabýylyn tergegen Volesı djırganyń (Aýǵanstan parlamentiniń tómengi palatasy) arnaıy komıssııasy jasady.
Komıssııa derekterine súıensek, talıbterdi Qundyz provıntsııasynyń kúsh qurylymdaryna engizý de yqpal etýshi faktorlardyń biri boldy. Komıssııa músheleri eger taıaý ýaqytta talıb uıymdary tolyqtaı joıylmasa, Aýǵanstan soltústiginde mundaı qaqtyǵystar qaıtalanýy múmkin ekendigin eskertti.
«Ulttyq qaýipsizdik basqarmasynyń usynǵan baıandamasynan qaqtyǵys saldarynan kem degende 1950 adam jaralanyp, aýrýhanaǵa jetkizilgenin, 900 talıb óltirilgenin baıqaýǵa bolady. Al úkimet áskeri kóp shyǵynǵa ushyraı qoıǵan joq», - dep málimdedi Volesı djırgı qaýipsizdik jónindegi ishki komıssııa basshysy, tergeý tobynyń basshysy Mırdad Nıdjrabı.
Ol Qundyzdy azat etý úshin aıqasta kem degende 34 polıtseı, Aýǵanstan Islam memleketiniń arnaıy qyzmetiniń bir ýákil qyzmetkeri jáne jeti ásker qyzmetshisi óltirilgenin, taǵy 54 polıtseı jaralanǵanyn qosty.
Komıssııa ázirge azamattyq turǵyndardyń arasyndaǵy qurbandar jaıly tolyq derekterdi tergeý ústinde. Aldyn ala tergeý qaqtyǵys barysynda 70 azamattyq tulǵa óltirilgenin kórsetýde.
