Sodyrlar japon jýrnalısin óltirip, onyń vıdeosyn Internette jarııalady
ASTANA. QazAqparat - Japonııa Premer-mınıstri Sındzo Abe «Islam memleketi» sodyrlarynyń japon jýrnalısi Kendzı Gotony óltirýin jıirkenishti terrorlyq áreket dep atady, dep habarlady TASS.
«Bul zulymdyq meni qatty jıirkendirip, ashýlandyrdy. Bizdiń elimiz lańkestikke qarsy kúresti halyqaralyq qaýymdastyqpen birge jalǵastyra beretin bolady», - dedi Abe jýrnalısterge bergen suhbatynda. VVS agenttiginiń habarlaýynsha, «Islam memleketi» sodyrlary Japonııa jýrnalısi Kendzı Gotony óltirgen sátti vıdeoǵa túsirip jarııalaǵan. Japonııa BAQ-tarynyń jazýynsha, qazirgi ýaqytta vıdeo túsirilimniń Internettegi nusqasynyń naqtylyǵy tekserilip jatyr. 20 qańtar kúni «Islam memleketi» sodyrlary eki japon tutqyny úshin Japonııadan 200 mln. dollar talap etken. Senbi kúni Japon úkimeti sodyrlarmen kelissóz sheshilmegenin habarlaǵan bolatyn.
