Sodyrlar Mosýlda 300-ge jýyq adamdy jazalady
ASTANA. QazAqparat - «Islam memleketi» lańkestik tobynyń (Qazaqstan aýmaǵynda tyıym salynǵan) sodyrlary Iraktyń Mosýl qalasynyń ońtústiginde 284 er adam men ul balalardy jazalady
Olar aldynda tiri qalqandar retinde paıdalanylmaq bolǵan. Bul týraly Irak barlaýyndaǵy CNN-nyń derekkózni málim etti, dep habarlaıdy QazAqparat newsru.com-ǵa silteme jasap.
Telearnanyń málimetinshe, jazalaý aktileri beısenbi men juma kúnderi qalanyń ońtústik bóliginde, burynǵy aýyl sharýashylyǵy ınstıtýtynyń aýmaǵynda ótti. Olardyń barlyǵyn atyp óltirgen, keıin býldozermen ortaq zıratqa kúrep tastaǵan.
SNN bul aqparat áli resmı rastalmaǵandyǵyn aıtyp otyr.
Juma kúni Adam quqyqtary jónindegi Joǵarǵy komıssarynyń basqarmasy «Islam memleketi» toby Iraktyń Mosýl qalasynyń mańyndaǵy aýyldardyń birinde 40 beıbit turǵyndy tutqynǵa alǵandyǵy týraly aqparatty tekserip jatqandyǵy habarlanǵan bolatyn. Buǵan deıin BUU «Islam memleketi» tiri qalqandar retinde paıdalaný úshin birneshe júzdegen otbasyn tutqynǵa alýy múmkindigin málim etken bolatyn. Eki eldi mekennen 550 otbasy urlandy.
Mosýldy «Islam memleketinen» azat etý operatsııasy 17 qazan kúni tańerteń bastaldy. Irak úkimeti kúshterinen bólek, oǵan kúrdterdiń qurylymdary, sondaı-aq halyqaralyq lańkestikke qarsy koalıtsııa qatysýda.
