Sodyrlar bosqyndardyń keıpinde shekaradan ótken: Atyraý garnızonynyń oqý-jattyǵýlary
ATYRAÝ. QazAqparat - Oqý-jattyǵýlar kezinde Atyraý garnızonynyń áskerı qyzmetshileri «Qarabatan» oqý polıgonynda zańsyz qarýly toptardyń ený týraly shartty áreketterin toqtatty, dep habarlaıdy QazAqparat QR Qorǵanys mınıstrligi Atyraý garnızonynyń baspasóz qyzmetine silteme jasap.
Jattyǵýlardyń josparyna sáıkes, sodyrlardyń shaǵyn toptary bosqyndardyń keıpinde shartty shekaradan ótip, elimizdiń aýmaǵyna basyp kirgen bolatyn. Olardy izdep tabý jáne joıý úshin Atyraý g arnızony áskerı bólimderiniń biriniń áskerı qyzmetshileri tartyldy.
«Rotalardyń arnaıy-taktıkalyq jattyǵýlary barysynda bólimshelerdiń biri shartty jaý keıpinde áreket etti. Jattyǵý barysynda bólimshelerdiń taktıkalyq is-qımyldaryna, jaýyngerlik jáne atys baqylaýynda qarýdy sheber jáne tıimdi qoldanýǵa, sondaı- aq qaýipsizdik sharalaryn qatań saqtaýǵa basty nazar aýdaryldy.
Jattyǵýlardyń nátıjeleri boıynsha jeke quramnyń daıyndyǵy «jaqsy» dep baǵalandy», - dedi áskerı bólimniń shtab bastyǵy maıor Jalǵas Rahmǵalıev.
Jattyǵýlardyń nátıjeleri boıynsha kapıtan Nurbek Aıtqalıevtiń basqarýyndaǵy bólimsheler barynsha úılesimdilik tanytty.
«Jattyǵý barysynda biz jeke quramǵa, áskerı tehnıka men qarý- jaraqqa arnalǵan dalalyq baspana men jasyryný oryndaryn jabdyqtaý, kedergiler men tosqaýyldardy uıymdastyrý, sondaı-aq medıtsınalyq kómek kórsetý men jaralylardy evakýatsııalaý boıynsha is-sharalardy ótkizýde sheberligimizdi arttyra aldyq. Men ofıtserler men serjanttardyń birlesken jáne úılesimdi jumysynyń arqasynda jeke quram ózderin jaqsy jaǵynan kórsetkenine óte qýanyshtymyn», - dedi komandır.
Oqý-jattyǵýǵa barlyǵy 200-ge jýyq áskerı qyzmetker tartyldy. 20-dan astam áskerı jáne arnaıy tehnıka jumyldyryldy.
