Sodyrlar Aýǵanstanda Qundyz provıntsııasynyń ortalyǵyna shabýyl jasady
ÁBÝ-DABI. QazAqparat - «Talıban» qozǵalysynyń sodyrlary jeksenbide Qundyz provıntsııasynyń ákimshilik ortalyǵyna shabýyldap, Qundyz-Baǵlan tas jolyn qosa alǵanda, barlyq joldy japty, dep habarlady «QazAqparat» HAA menshikti tilshisi.
Aýǵanstan soltústigindegi Qundyz provıntsııasynyń provıntsıaldyq keńesiniń músheleri qazirgi ýaqytta óńirde «Talıban» sodyrlarynyń shabýylynan keıin qaýipsizdik jaǵdaıy nasharlaǵanyn eskertti.
«Búgin tańerteń talıbter Talvaka jáne Hanabad-roýd aýyldarynan eki baǵyt boıynsha shabýyldaryn bastady. Abyroı bolǵanda, olardyń shabýylyna toıtarys berilip, jaý aýyr shyǵynǵa ushyrady», - dedi Qundyz gýbernatorynyń ókili Saıed Mahmýd Danısh.
Jergilikti sheneýnikter Aýǵanstan qaýipsizdik kúshteri belgili shyǵynǵa ushyrata otyryp, talıbterge oısyrata soqqy jasaǵanyn aıtty.
«Qazirgi ýaqytta soǵys júrip jatyr, atystar estilýde. Adamdar ólimin kúnde kóremiz», - dedi Qundyz provıntsıaldyq keńesiniń basshysy Amýrdın Valı.
