Sodyrlar Aýǵanstan prezıdentiniń qatysýymen ótip jatqan beıbit konferentsııa jumysyn úzdi
ASTANA. Maýsymnyń 2-si. QazAqparat - «Talıban» sodyrlary Aýǵanstan astanasynda shabýyl uıymdastyrdy. Lańkester Kabýlde eldegi beıbitshilikti qalpyna keltirý men saqtap qalý jáne «Talıban» qozǵalysyna qarsy kúres týraly ótip jatqan konferentsııany toqtatty, dep habarlaıdy RBK.
Beıbitshilik máseleleri boıynsha dástúrli Loıı jyrǵa jınalysy ótip jatqan orynnyń qasynda birneshe lańkestik shabýyldar jasalǵan. Bir jarylys Aýǵanstan prezıdenti Hamıd Karzaıdyń sóz sóılep jatqan ýaqytynda jaryldy. Lańkestik áreketter kesirinen prezıdent tez arada jınalysty tastap ketti.
El quqyq qorǵaý organdarynyń málimetteri boıynsha, H.Karzaıdyń sóz sóıleý ýaqytynda Kabýldyń batys aımaǵynda iske qosylǵan reaktıvti snarıad jarylǵan. Ol konferentsııa ótip jatqan jerden 500 metrdegi Intercontinental qonaqúıiniń janynda jarylǵan. H.Karzaı sabyrlyq saqtap, «Biz mundaı oqıǵany buryn da bastan keshirgemiz», - dep konferentsııa qatysýshylaryn alańdamaýǵa shaqyrdy.
Lańgestikti jasaǵan «Talıban» uıymdasqan toby jaýapkershilikti ózine aldy. Qazirgi tańda Aýǵanstan jaýyngerleri sodyrlarǵa qarsy operatsııa júrgizip jatyr.
