Sotsıalıstik Eńbek Eri Shyrynkúl Qazanbaeva ǵasyrlyq ǵumyrǵa qadam basty - Qyzylorda oblysy
QYZYLORDA. QazAqparat - Qyzylordalyq Sotsıalıstik Eńbek Eri Shyrynkúl Qazanbaeva ǵasyrlyq ǵumyrǵa qadam basyp otyr, dep habarlaıdy QazAqparat tilshisi.
Shıeli aýdanyna qarasty N.Bekejanov atyndaǵy aýylda turatyn abzal ana ónegeli ómirinde eseli eńbegimen eldiń eleýlisine aınalǵan. Tehnıkany da tizgindedi, jer tyrmalap, egin ekti. Otaǵasy Jumadilda maıdan dalasynan elge oralǵannan keıin 1947 jyldan bastap egin egýge shyqty. Dańǵaıyr dıqan Ybyraı Jaqaevtyń ónegesin kórip ósti.
Degenmen, ózine serik bolǵan traktorynan qol úzgen joq. Óziniń qaraýyna berilgen alqapty kóktem mezgilinde jyrtyp, egindi de ózi kútimge alatyn. Aryq-kanaldy da tazalaıtyn. Demalys degendi eleı bermeıtin.
Osynyń nátıjesinde alǵashqy jyldarda gektaryna 70-80 tsentnerden ónim alǵan. Keıinnen ol gektaryna 100 tsentnerge kóterildi.
1972 jyly Sotsıalıstik Eńbek eri ataǵyna ıe boldy. Oǵan deıin kóptegen orden-medaldi óńirine qadap, qanshama maqtaý-marapatqa qol jetkizdi. Áli kúnge deıin aıaýly ana qurmet bıiginen kórinip, el-jurttyń eleýli tulǵasyna aınalyp otyr.
«Búgingi kúnimizge shúkirlik aıtamyn. Táýelsizdigimiz baıandy bolsyn. Alǵashqy jyldardaǵy aýyrtpalyqtar artta qalyp, elimiz órkendeý jolyna tústi. Qazir bilimniń zamany. Sondyqtan jastarymyz oqý oqyp, bilim alýǵa umtylǵany durys dep oılaımyn», - deıdi Sh.Qazanbaeva.
Ádilet QAŃTARBAEV
Foto: syrboyi.kz
