Sochıdegi órt: 8 adam mert bolyp, úsheýi aýrýhanaǵa tústi
ASTANA. QazAqparat - Sochıde japsyra salynǵan qoǵamdyq tamaqtaný ornynan órt shyǵyp, sonyń saldarynan 8 adam mert boldy jáne úsheýi zardap shekti. Bul týraly bbc.com qala merııasynyń baspasóz qyzmetine silteme jasap habarlaıdy.
Qazirgi tańda órt sóndirildi.
Merııanyń habarlamasynda barlyq zardap shegýshiler men qaza tapqandardyń TMD elderinen barǵan jaldamaly jumysshylar ekendigi kórsetilgen.
Sondaı-aq, TJ ornynan úsh adam, sonyń ishinde 16 jastaǵy jasóspirim aýrýhanaǵa jetkizilgen.
Tergeý komıteti habarlaǵandaı, «eki nemese odan da kóp tulǵany abaısyzda óltirip alý» baby boıynsha qylmystyq is qozǵaldy. Qaza tapqandardyń arasynda sábı bar.
Qala bıliginiń deregi boıynsha, qoǵamdyq tamaqtanýǵa arnalǵan bastyrma janyp, órt ýaqytsha metall qurylymyna aýysqan.
Vedomstvonyń málimetinshe, qalanyń órt sóndirý bólimshelerine órt týraly habar saǵat tańǵy 05.40-ta túsken, tilsiz jaý 7: 43-te aýyzdyqtaldy.
