Sochıdegi olımpıada qalashyǵy aýmaǵynda qazaqstandyq baspasóz ortalyǵy jumys isteıtin bolady

Bul týraly búgin Úkimet otyrysynda QR Sport jáne dene shynyqtyrý isteri agenttiginiń tóraǵasy Tastanbek Esentaev málim etti.

Onyń atap ótýinshe, atalǵan ortalyqta Astana qalasynda ótetin «EKSPO-2017» halyqaralyq kórmesin, elimizdiń táýelsizdik jyldaryndaǵy jetistigin jáne sportshylarymyzdy ulyqtaý sharalary uıymdastyrylatyn bolady.

Sondaı-aq, T. Esentaev óz sózinde Halyqaralyq olımpıadalyq komıtetke Almaty qalasynda 2022 jyly 24-shi qysqy olımpıada oıyndaryn ótkizýge ótinim berilgendigin atap ótti.

«Bul maqsattarda Sochı qalasynda ótetin olımpıada aıasynda joǵaryda atalǵan olımpıada oıyndaryn ótkizýge úmitker el retinde Qazaqstandy alǵa jyljytý boıynsha ımmıdjdik is-sharalar ótkizý josparlanýda»,-dedi T. Esentaev.