Sochıde urlanǵan maımyl men totyqus 5 jyldan keıin Máskeýden tabyldy
ASTANA. QazAqparat - Máskeýde polıtseıler Sochı jaǵalaýynda fotoǵa túsý úshin paıdalanylǵan janýarlardy urlaǵan jandy qolǵa túsirdi.
Bular osydan bes jyl buryn joǵalyp ketken edi,- dep habarlady "Interfaks" agenttigine juma kúni Krasnodar ólkesi boıynsha ІІM MB baspasóz qyzmetinen.
Sochıde fotografpen birge «jumys» istegen maımyl men totyqusty 2011 jyly urlap ketken bolatyn. Ury qylmystyq jaýapkershilikten qutylý úshin turǵylyqty jerin únemi aýystyryp otyrǵan.
«Aramoıly Máskeýde, sońǵy ýaqytta jalǵa alyp, jasyrynyp júrgen páterinde ustaldy», - dep atap ótti baspasóz qyzmetiniń ókili.
Onyń aıtýynsha, joǵalǵan janýarlar da sonda bolǵan. Maımyl men totyqus ıesine qaıtaryldy.
