Sochıde TMD Syrtqy ister mınıstrleri keńesiniń otyrysy ótti
«Syrtqy ister mınıstrleri shaǵyn quramda kún tártibin - otyrys reglamentin bekitti jáne birqatar máseleler qaraldy. Atap aıtqanda, Dostastyqqa múshe memleket basshylarynyń otbasy ınstıtýtyn jáne dástúrli otbasylyq qundylyqtardy qoldaý týraly málimdemesiniń jobasy týraly sheshim qabyldandy. Málimdemeni qatysýshylardyń barlyǵy qoldady. Sonymen qatar TMD Atqarý komıtetindegi 2018-2020 jyldarǵa kvotalyq laýazymdar bólinisi týraly sheshim qabyldandy. TMD Syrtqy ister mınıstrleri keńesiniń kezekti otyrysyn 2018 jylǵy 6 sáýirde Mınskide (Belarýs Respýblıkasy) ótkizý týraly sheshim qabyldandy. Budan tys, Táýelsiz Memleketter Dostastyǵynda 2019 jyldy Kitap jyly, 2020 jyldy Uly Otan soǵysyndaǵy Jeńistiń 75 jyldyǵy dep jarııalaý týraly sheshim qabyldandy. Syrtqy ister mınıstrleri qalǵan qujattardy joǵary deńgeıde daıyndalǵandyqtan, talqylaýsyz qol qoıýǵa kelisti», - dep málimdedi TMD atqarýshy hatshysy Sergeı Lebedev.
TMD syrtqy saıasat vedomstvolarynyń basshylary, sondaı-aq TMD Memleket basshylary keńesiniń Memleket basshylary keńesi men Úkimet basshylary keńesiniń arasyndaǵy ókilettikterdiń arasyn belgileý týraly, TMD Syrtqy ister mınıstrleri keńesi týraly ereje týraly, Dostastyqtyń Ekonomıkalyq keńesi týraly ereje týraly sheshimderiniń jobalaryn da maquldady.
