Sochıde sý tasqynyna baılanysty tótenshe jaǵdaı jarııalandy
ASTANA. 25 qyrkúıek. QazAqparat - Sochıde topan sý basýdyń saldarynan tótenshe jaǵdaı rejımi jarııalandy, dep habarlady Reseıdiń TJM baspasóz qyzmetinen.
24 qyrkúıek kúni keshke Sochı ákimshiliginde tótenshe jaǵdaılar boıynsha komıssııa búgin kýrort aýmaǵyndaǵy barlyq balabaqsha men mekteptegi oqýdy toqtatý týraly sheshim shyǵardy, dep habarlady RBK.
Lazarev aýdany turǵyndarynyń bir bóligi (50 adam) 24 qyrkúıek kúni Loo men Nıjnıaıa Lobza eldi-mekenderinen qaýipsiz jerge kóshirildi. 24 qyrkúıek kúngi málimetter boıynsha, 20:00-de sýdyń tasqnynyń deńgeıi saǵatyna 6 myń tekshe metrdi quraǵan. Sý apatynyń zardabyn bárinen de Adlerskıı jáne Lazarevskıı aýdandary tartyp otyr. Mzymta ózeniniń sýy kúrt kóterilip, kúshti aǵyn balyq sharýashylyǵy aýdanyndaǵy jaıaý júrginshiler ótetin kópirdi shaıyp ketken.
Reseıdiń TJM baspasóz qyzmetiniń habarlaýynsha, apattyń saldaryn joıý úshin 1 700 qutqarýshy men 446 tehnıka tartylǵan. Olar kúrdeli ýchaskelerdi, bárinen buryn ótetin kópir joldaryn, munaı qubyrlaryn, áleýmettik mańyzdy nysandardy qarap shyǵady.
RBK-dan habarlaǵandaı, Reseı TJM resmı ókili Irına Rossıýs qazirgi ýaqytta sý astynda qalǵan aımaqtardy sýdyń deńgeıi birtindep tómendep kele jatqanyn, áýe jáne temir jol qozǵalysy shtattyq rejimde júrgizilip jatqynan málimdedi. «Jaǵdaıdy ushqyshsyz ushý apparaty únemi baqylap otyr. Túni boıy sý basqan ǵımarattardan sý shyǵarý jáne jaǵalaýdaǵy kúsheıtý jumystary júrgizildi», - dep qosty I.Rossıýs.
