Sochıde sportshy jatqan úıge qasqyr kirip ketti - VIDEO
ASTANA. QazAqparat - AQSh sportshysy Keıt Hansen Olımpıada qalashyǵyndaǵy úıine qasqyr kirip ketkenin habarlady.
Sportshy óziniń áleýmettik jelidegi paraqshasyna «Meniń dálizimde qasqyr júr» dep jazyp qoıǵan. Sondaı-aq, ol tyǵylyp turyp dálizde emin-erkin ketip bara jatqan qasqyrǵa uqsas ańdy taspaǵa túsirip alǵan. YouTube jelisine qoıylǵan bul jazba bir táýliktiń ishinde 154 400 ret tamashalanǵan eken.
Jalpy, bul Sochı Olımpıadasyndaǵy qańǵybas ıtterge qatysty alǵashqy jaǵdaı emes. Buǵan deıin AQSh-tan kelgen qonaq Neıl Drerer jarys ótip jatqan aımaqta júzdegen qańǵybas ıtterdiń júrgenin, tipti sonyń birin óz eline alyp ketpek oıy baryn aıtqan bolatyn, dep jazady Rosbalt.
