Sochıde Pýtın men ıAnýkovıch ne jóninde sóılesti?
ASTANA. QazAqparat - Olımpıadanyń ashylar kúni Reseı prezıdenti Vladımır Pýtın ýkraınalyq kóshbasshy Vıktor ıAnýkovıchpen betpe-bet kezdesip, pikir almasty.
Bul týraly reseılik prezıdenttiń keńesshisi ıÝrıı Ýshakov málim etti. Alaıda, ol memleket basshylary ne jaıynda sóıleskenin jáne qandaı da bir kelisimge qol jetkizgendigi jaıynda naqtylamady.
Aıta keteıik, jeltoqsanda Máskeý men Kıev Ýkraına úshin reseılik gazdyń qunyn úshten bir bólikke tómendetý týraly, sondaı-aq Reseı tarapynyń Ýkraınanyń eýrobondtaryn 15 mlrd. dollarǵa satyp alýy jóninde kelisken bolatyn.
Alǵashqy 3 mlrd. dollar kólemindegi qarjy Ýkraınaǵa sol kezde bólingen edi, alaıda qańtardyń sońynda Pýtın atalǵan mindetterdiń kúshi joıylmaıtynyn, biraq olar Kıevte jańa úkimet qurylǵannan keıin ǵana oryndalatynyn málimdedi.
Al Ýkraınada eki aıdan astam ýaqyttan beri eýroıntegratsııanyń jaqtastary narazylyq aktsııalaryn toqtatpaı jatyr. Olar ıAnýkovıchtiń EO-men qaýymdastyq jónindegi kelisimge qol qoıýdy toqtata turǵandyǵyna qarsylyq bildirýde.
