Sochıde ótetin qysqy olımpıada oıyndaryna alǵashqy boljam jasaldy
ASTANA. 12 naýryz. QazAqparat - Gollandııalyq Infostrada basylymy 2014 jyly Sochıde ótetin qysqy olımpıada oıyndary qarsańynda ár eldiń múmkindigin saralap, «neshe júlde alýy múmkin» degen boljam jasap otyrmaq.
Basylym jaqynda ózderiniń alǵashqy tujyrymdaryn jarııalap, «Qazaqstan Sochı olımpıadasynda bir qola alýy múmkin» degen boljamdaryn bildirdi, dep habarlaıdy «Alaman».
Árıne, Qazaqstan sapynan medalǵa birden bir úmitker, ol shańǵyshy - Alekseı Poltoranın. Golland basylymy Qazaqstan bir qola alý arqyly jalpy esepte 26 oryn alady dep otyr.
Infostrada jalpy eseptegi birinshi orynǵa Norvegııa men Kanada talasady deıdi. Qytaı men Koreıa da alǵashqy ondyqqa enýi múmkin.
Jekeleı sportshylardan Týra Berger (4 altyn, Martan Fýrkad (4 altyn), Tına Maze (3 altyn), Martına Sablıkova, Darıo Kolonıa, Aksel Lýnd Svındal jáne Ted Lıgetı (árqaısy eki altynnan) syndy sportshylar medalǵa negizgi úmitkerler.
