Sochıde Karlsen men Anand shahmattan álem chempıondyǵyna talasady
ASTANA. QazAqparat - Sochı qalasynda norvegııalyq Magnýs Karlsen men úndistandyq Vıshvanatant Anand arasynda shahmattan álem chempıony ataǵy úshin match bastalǵaly jatyr.
Bir jyl buryn Karlsen Anandtan onyń týǵan jeri -Chennaı qalasynda chempıondyq tájdi tartyp alǵan edi, endi Sochıde ótetin básekede tájirıbeli úndilik ataǵyn qaıtaryp almaqqa qulshynyp otyr.
22 jasynda Chennaıda álem chempıony ataǵyna ıe bolǵan Karlsen 43 jastaǵy Anandty jeńis tuǵyrynan qaıta oralmastaı, úzildi-kesildi taıdyrǵan tárizdi edi. Alaıda aǵymdaǵy jyly Hanty-Mansıde úmitkerler saıysynda tamasha jeńiske jetken Vıshvanatant norvegııalyq sportshydan qarymta qaıtarý quqyǵyn aldy.
Karlsen men Anand Adlerdegi olımpıadalyq medıaortalyqta kezdesedi.
