Sochıde 5 qabatty ǵımarat órtenýde, adamdar shyǵyny bar
ASTANA. 8 jeltoqsan. QazAqparat - Sochıde 8 jeltoqsanǵa qaraǵan túni saǵat 4:00 shamasynda qalanyń ortalyǵynda Chebrıkova kóshesiniń boıynda ornalasqan 5 qabatty ǵımarat otqa orandy.
Jalyn shamamen 1200 sharshy metrdi sharpydy. Bul týraly Krasnodar ólkesi boıynsha TJD habarlady.
Qazirgi ýaqytta 1000 sharshy metr aýmaqta órttiń taralýy toqtatyldy. Órt ǵımarattyń 5-qabatynan bastaldy, osy kezde onyń shatyry tolyǵymen janyp ketti. Tilsiz jaýdy aýyzdyqtaýǵa 60 adam men 22 tehnıka jumyldyryldy. Órtti sóndirý kezinde qutqarýshylar áıeldiń máıitin tapty.
Turǵyn úıden 500-ge jýyq adam qaýipsiz aımaqqa kóshirildi, máskeý ýaqyty boıynsha saǵat 06.00-degi jaǵdaı boıynsha, 9 páter jalynǵa oranyp jatty. Habarlanǵandaı, turǵyndar ýaqytsha jaqyn mańdaǵy shıpajaılarǵa ornalastyrylatyn bolady.
