Sochı–2014: Germanııa quramasy 11 jyldan keıin Olımpıada chempıony dep tanyldy

ASTANA. KAZINFORM — 2014 jylǵy Sochı Olımpıadasynan keıin araǵa 11 jyl salyp, Halyqaralyq Olımpıada komıteti bıatlon jarysynyń nátıjesin qaıta qarap, dopıng erejesin buzǵan reseılik sportshyny altyn medalinen resmı túrde aıyryp, ony nemis sportshylarynyń quramasyna berý týraly sheshim qabyldady, dep jazdy DW.

Dopıngke baılanysty reseılik sportshynyń nátıjesi joıyldy.

Halyqaralyq olımpıada komıteti (HOK) Sochıde ótken 2014 jylǵy Olımpıada oıyndarynan keıin 11 jyldan astam ýaqyt ótken soń medaldardy qaıta bólýdi resmı túrde bekitti. Osylaısha, altyn medal burynǵy Reseı quramasynan Germanııa quramasyna berildi. Jeńimpaz quramda Erık Lesser, Danıel Bem, Arnd Paıffer jáne Sımon Shemp bolǵan.

Reseılik bıatlonshy Evgenıı Ýstıýgov, 2014 jylǵy Sochıde ótken estafetada qatysyp, altyn medal ıelengen edi. Alaıda 2020 jyly ol dopıng erejelerin buzǵany úshin aıyptalyp, medaldan aıyryldy. Osy sebeppen ol 2010 jyly Vankýverde alǵan altyn jáne qola medalderinen de aıyrylǵan.

2025 jyldyń mamyrynda nemis bıatlonshysy Erık Lesser:

– On bir jyldan keıin de ádiletsizdik jasalsa, ózgelerdiń tuǵyrǵa kóterilgeni durys. Jańa tústegi jańa medal úshin qýana alamyn, – dep málimdedi.

Eske sala keteıik, bıylǵy jyldyń shilde aıynda Týrızm jáne sport mınıstriniń «Dopıngke qarsy qaǵıdalardy bekitý týraly» Qazaqstan Respýblıkasy 2014 jylǵy 19 qyrkúıektegi № 18 buıryǵyna ózgerister men tolyqtyrýlar engizgen bolatyn.

Al osyǵan deıingi Olımpıada oıyndarynda jeńis tuǵyrynyń eń bıik satysyna kóterilip, keıin sol ataǵynan aıyrylyp qalǵan sportshylarymyz da joq emes. Naqtyraq aıtsaq, Qazaqstan táýelsiz el retinde jazǵy olımpıada oıyndaryna 1996 jyldan beri qatysyp keledi. Sodan beri Qazaqstanda jazǵy olımpıadanyń 20 altyn medalin jeńip alǵan bolatyn. Ókinishke qaraı, onyń altaýyn keıin sportshylarymyz keri qaıtaryp berdi. Oǵan basty sebep – dopıng daýy.