Sochı Olımpıadasynyń eń salmaǵy aýyr qatysýshysy anyqtaldy
ASTANA. QazAqparat - Hokkeıden Slovakııa quramasynyń kapıtany Zdeno Hara Sochı Olımpıadasynyń eń bıik jáne eń salmaǵy aýyr qatysýshysy atandy.
Onyń boıy 206 santımetr, al salmaǵy 117 keli. «Boston» klýbynyń qorǵaýshysy sonymen qatar Olımpıadanyń ashylý saltanatynda óz eliniń tý ustaýshysy bolmaq. Al mánerlep syrǵaýshylar - japonııalyq Narýmı Takahashı men kanadalyq Laım Fırýs eń boıy alasalary bolyp otyr. Asa jeńilderi - ýkraınalyq frıstalıst Aleksandr Okıpnıýk, avstrııalyq tramplınnen sekirýshi Kıara Heltsel, nemis short-trekshi Anna Zaıdel ( 43 keli), dep habarlaıdy Vesti.kz.
