Sochı Olımpıadasynyń boıtumary tuńǵysh ret halyq daýysymen tańdalady
ASTANA. Shildeniń 31-i. QazAqparat - 2014 jylǵy qysqy Sochı Olımpıadasynyń boıtumary olımpıadalyq qozǵalystyń tarıhynda tuńǵysh ret jalpyhalyqtyń daýys berý jolymen tańdalatyn boldy.
«Sochı-2014» uıymdastyrý komıtetiniń prezıdenti Dmıtrıı Chernyshenkonyń habarlaýynsha, Olımpıada sımvolyna qatysty «ıdeıalar jınaý» sharasy aǵymdaǵy qyrkúıektiń 1-inde bastalady, dep habarlaıdy RBK agenttigi.
Qalyptasqan dástúr boıynsha boıtumar qysqy Olımpıada jáne Paralımpıada oıyndary bastalardan 3 jyl buryn tanystyrylýy kerek. «Biz buryn-sońdy bolmaǵan sheshim qabyldadyq - boıtumardy búkil el bolyp tańdaıtyn bolamyz», -deıdi Chernyshenko.
«Sochı-2014» uıymdastyrý komıteti osy maqsatta www.talisman.sochi2014.com adresi boıynsha arnaıy ınteraktıvti alań ashady.
