Sochı Olımpıadasynyń baǵdarlamasy alty sport túrimen tolyqty
ASTANA. 7 sáýir. QazAqparat - 2014 jylǵy qysqy Olımpıada oıyndaryna qatysýshylar Sochıde baǵdarlamanyń jańa alty túri boıynsha medaldardy sarapqa salatyn bolady.
Halyqaralyq Olımpıadalyq komıtet osyndaı sheshim qabyldady, dep habarlaıdy «RIA «Novostı» agenttigi.
Sochı Olımpıadasynyń baǵdarlamasyna áıelder arasynda shańǵymen tuǵyrdan sekirý, mánerlep syrǵanaýdan jáne shańǵy sportynan komandalyq jarystar, erler men áıelder arasynda shańǵy hafpaıp sporty jáne aralas bıatlon jarysy enip otyr.
"Baǵdarlamaǵa taǵy basqa da jarys túrlerin engizý, onyń ishinde taý shańǵysy boıynsha komandalyq jarys túrin engizý týraly sheshim de qabyldanyp qalýy yqtımal", - dep málim etti Halyqaralyq Olımpıadalyq komıtettiń sporttyq dırektory Krıstof Dýbı.
