Sochı Olımpıadasynyń 12 joldamasy qolymyzda
ASTANA. 4 jeltoqsan. QazAqparat - Dál qazir qorjynymyzda 12 lıtsenzııa bar, qosalqy taǵy úsh orynnan úmittimiz. Alaıda Halyqaralyq konkımen júgirý federatsııasy Olımpıadaǵa qaı eldiń qansha lıtsenzııa alǵandyǵy týraly aldyn ala málimetti 23 jeltoqsanda jarııalaıdy. Al Olımpıadaǵa qatysatyn sportshylardyń naqty tizimin kelesi jyly qańtardyń 24-inen bastap túzetin bolady.
Álem kýbogynyń sońǵy kezeńi jeltoqsannyń 6-sy men 8-i aralyǵynda Germanııa astanasy Berlınde ótedi. Qazaqstan quramasyna Sochı Olımpıadasynyń qansha lıtsenzııasy buıyratyny sol kezde belgili bolady. Degenmen ulttyq quramamyzdyń bas bapkeri Vadım Saıýtın ulttyq quramaǵa qaı sportshylardyń iligetinin jeltoqsan aıynyń sońynda nemese qańtar aıynyń basynda jarııalaýǵa ýáde berdi, dep habarlady alasharena.kz.
