Sochı Olımpıadasyna qatysý úshin Qazaqstan legıonerlerdi tartpaıdy
ASTANA. 10 mamyr. QazAqparat - Qazaqstan aldaǵy Sochı-2014 oıyndaryna qatysý úshin ulttyq olımpıada quramasynyń quramyna legıonerlerdi tartýdy josparlaǵan joq,
dep habarlady Sport jáne dene shynyqtyrý isteri jónindegi agenttik tóraǵasynyń orynbasary Elsııar Qanaǵatov Primeminister.kz saıtyna bergen eksklıýzıvti suhbatynda.
«Bizde sporttyń qysqy túrlerinde legıonerler joq, tek ózimizdiń jergilikti sportshylar jáne olardyń bári de tamasha oıyn kórsetýge úmitkerler», - dedi E.Qanaǵatov.
Sonymen qatar, ol keıbir sport túrleri boıynsha Qazaqstanǵa sheteldik sportshylardy tartý artyq etpeıtinin atap ótti.
«Menińshe, legıonerlerdi tartý sport túrlerin damytýǵa kóp paıda ákeledi, ásirese bizde damymaǵan sport túrleri boıynsha. Mysaly, shana sporty nemese qossaıys bizde álsiz damyǵan. Jaqsy sportshyny nege tartpasqa», - dedi ol.
Vedomstvo basshysy orynbasarynyń aıtýynsha, aýyr atletıka mysaly kórsetkendeı, myqty legıonerlerdi shaqyrý óz sportshylarymyzdyń daıyndyǵyn jaqsartýǵa, osy sport túrine qyzyǵýshylyq týdyrýǵa jáne jańa jetistikterge jetýge múmkindik beredi.
Qazirgi ýaqytta Qazaqstannyń Ulttyq olımpıada quramasy Sochı-2014 Olımpıadasyna qatysý úshin sporttyń 6 túri boıynsha 22 lıtsenzııa jeńip aldy.
Sport jáne dene shynyqtyrý isteri jónindegi agenttiktiń boljamyna sáıkes Qazaqstan jyldyń sońyna deıin sporttyń 10 túri boıynsha 40-tan astam lıtsenzııa jeńip alady.
Sochı qalasyndaǵy (Reseı) XXVII Qysqy Olımpıada oıyndary 2014 jyldyń 7-nen 23-shi aqpanǵa deıin ótetini málim. Jarys barysynda 15 sport túri boıynsha 98 medal jıyntyǵy oınatylady. Lıtsenzııalyq jarys 2014 jyldyń qańtaryna deıin jalǵasady.
