Sochı olımpıadasyna qatysatyn el quramasyn sporttyń 8 túrinen 17 sheteldik maman daıyndaıdy
ASTANA. 5 jeltoqsan. QazAqparat - Qazaqstannyń Sochı olımpıadasyna qatysatyn qurama komandasyn sporttyń 8 túrinen 17 sheteldik maman daıyndaıdy.
Bul týraly búgin Úkimet otyrysynda QR Sport jáne dene shynyqtyrý isteri agenttiginiń tóraǵasy Tastanbek Esentaev málim etti.
«Sporttyń 8 túri boıynsha ulttyq qurama komandany daıyndaý úshin kelisimshart negizinde 17 jetekshi sheteldik maman tartyldy. Olardyń qatarynda biliktiligi joǵary shańǵy maılaýshylar men sporttyq medıtsına salasyndaǵy mamandar bar»,-dedi T. Esentaev.
Onyń atap ótýinshe, olımpıadalyq tsıklge daıyndyq barysynda 2012-2013 jyldardaǵy sporttyq maýsymǵa daıyndyqtyń qorytyndy kezeńine erekshe nazar aýdarylýda. Onyń nátıjesi komandanyń olımpıada oıyndaryna daıyndyǵynda basty krıterıı bolyp sanalady.
«Bul turǵyda Ulttyq qurama komanda 193 oqý-jattyǵý jıyndaryna jáne 175 halyqaralyq jarystarǵa, onyń ishinde álem kýbogi kezeńderine, álem Azııa chempıonattaryna reıtıngtik jáne lıtsenzııalyq jarystarǵa qatysty»,-dedi agenttik basshysy.
