Sochı Olımpıadasyna arnalǵan estelik monetalar 1 myń dollardan satylmaq
ASTANA. 16 qańtar. QazAqparat - Japonııanyń Taisei Coins Corp nýmızmatıkalyq kompanııasy Sochıde ótetin Olımpıada oıyndary qurmetine oraı qysqy sport túrleri beınelengen estelik altyn jáne kúmis monetalardy satyp alýǵa bron qoıý bastalǵanyn jarııa etti.
Bul týraly Reseıdiń «Jańalyqtar» aqparat agenttigi habarlady.
20 qańtardan bastap aldyn ala brondaý boıynsha japon bankterinde úsh altyn medaldan turatyn jıyntyq 2750 dollardan, al úsh kúmis moneta 420 dollardan, sondaı-aq altyn monetalardyń 1 danasy 920 dollardan satylymǵa shyǵarylady.
Budan bólek kompanııa ǵalamtor arqyly da qysqy sport túrleri men sport nysandary beınelengen salmaǵy 1 jáne 3 keli bolatyn altyn, kúmis monetalardy usynady. 3 kelilik altyn monetanyń quny 25 myń rýbldi quraıdy. Barlyq monetalar Reseıdiń ortalyq bankinde shyǵarylyp, Japonııaǵa ımporttalǵan.
Aıta keterligi, buǵan deıin satylymǵa túsken 154 gramdyq nomınaly myń rýbldik altyn monetalardyń 1 danasy 15,3 myń dollardan satylyp ketken edi.
