Sochı olımpıadasyna 300-ge jýyq jankúıer attanǵaly otyr
ASTANA. 5 jeltoqsan. QazAqparat - Qazaqstan Sochı olımpıadasyna qazaqstandyq sportshylarǵa jankúıer bolatyn 300-ge jýyq adam jibermek.
Bul týraly búgin Úkimet otyrysynda QR Sport jáne dene shynyqtyrý isteri agenttiginiń tóraǵasy Tastanbek Esentaev málim etti.
«Qazirgi tańda agenttikten qazaqstandyq delegatsııanyń quramy jasaqtalýda. Oǵan jalpy 100-den astam adamdy quraıtyn sportshylar, jattyqtyrýshylar, mamandar jáne shtab kiredi. Sondaı-aq, bizdiń quramany qoldaý úshin Sochıge tamaqpen, turǵylyqty jermen jáne sporttyq formamen qamtamasyz etilgen biryńǵaı uıymdasqan topta shamamen 300 jankúıer jiberýdi usynamyz»,-dedi ol.
Aıta keteıik, 2014 jyly Sochı qalasynda ótetin 22-shi qysqy olımpıada oıyndarynyń ashylý saltanaty 7 aqpanda ótedi.
